Otsailaren 5ean, gaurko oztopoak batu egingo dira jai eta aldarrikapen kutsua izango duen ospakizun batean. Tolosako abesbatza, pailazoak, herri kirolak, bertso saioak edo Bizardunak, Ze Esatek! eta beste zenbait talde izango ditu lagun jaiak.

Joan den larunbatean aurkeztu zen, Gasteizen, 2012ko Arabako Kuadrilla arteko Bertso Txapelketa. Iaz banakakoa jokatu ondoren, bi urteko zikloa jarraitzera dator taldekakoa. Bi txapelketa paralelo izango dira, gainera: bat-batekoa eta idatzizkoa.

Gehienbat eskualdeko irakaskuntza-zentroen bitartez banatuko da egonotan Aiaraldeko Euskararen Gida, aspaldiko egitasmoa eta egun errealitate bihurtu dena.

8 urtetik 12 urtera bitartean badituzu, bertsoek zirrara sortarazten badizute eta lagun artean gozatzea gustatzen bazaizu… ez gelditu besaulkian eserita eta etorri Aguraingo Bertso Eskolara!

Urtarrilaren 17an bildu zen Artiumen Arabako Foru Aldundiko Euskararen Aholku Batzordea, urtero bezala. 2011n zehar Euskararen Foru Zerbitzuak aurrera egindako Urteko Planaren ebaluazioa egin zuten eta jarraian 2012rako proposamena aztertu zuten.

2011-2012 ikasturtean, bigarren aldiz, gurasoentzako hitzaldi-sorta bat antolatu du Arabako Foru Aldundiko Euskararen Foru Zerbitzuak. Hitzaldi-sorta horren helburua da , alde batetik, familia bidezko euskararen transmisioan eragitea, eta  bestetik, gurasoek hizkuntzekiko dituzten hainbat eta hainbat kezka argitzen ahalegintzea.

Urtarrilaren 19an bildu zen Agirre Lehendakariaren aretoan Arabako Foru Aldundiko Iciar Lamarain diputatu andrea, Hizkuntza Politika Sailburuordetzako Lurdes Auzmendi, eta Eudeleko ordezkaria, besteak beste Arabako Lurralde Historikoko Kuadrilletako lehendakari eta gerenteekin.

Otsailaren hasieran (datak zehazteke daude), 2012/13 ikasturteko aurrematrikulaziorako aldia zabalduko da. Horregatik Udalak, bere Euskara Arloaren bitartez, kanpaina bat abiatu du, 2009 eta 2010 urteetan jaiotako Laudioko 322 umeei zuzendua. Izena: "D bitamina: aberastu bere heziketa!"

Zozketan parte hartzeko Gabon Zaharrean Arabako zenbait herritan erretzen den panpina edo suaren izena asmatu beharra zenuten. Parte hartu duzuen gehienek erantzun zuzena eman duzue. Jaiaren izena: Errepuierre, Kalerre, Galerre edo Putierre da eta euskarazko "erre-ipurdi-erre" esalditik omen dator.

Beranduegi ari bagara ere, Aiara eskualdean toponimia biltzeko saiakera batzuk egin dira azken urteotan. Eta egindakoa, udalerri bakoitzeko mapa toponimiko topografikoetan islatzen ari da arian-arian. Hona hemen aukera Artziniega, Laudio, Okondo, Orozko, Sopela eta Urduñakoa deskargatzeko.

Aurreko urteetan bezala, 2012an ere izango ditugu aitita-amamentzako euskara ikastaro bereziak Laudion. Eskolak urtarrilaren 9an hasiko dira eta ekainaren 27an bukatu.

Izan dezazuela, zuek ere, urte zahar eder bat, baita urte berri ederragoa 2012an.
 

Zein izenarekin ezagutzen da Gabon Zaharrean Arabako zenbait herritan erretzen den panpina edo sua?

Maramara* taldeak hitano ikastaroa antolatu du, on-line, 2012 urte hasierarako. Urtarrilaren 9an ekingo diote, eta 14 asteko iraupena izango du 40 orduko ikastaro honek.

Datorren asteazkenean (hilak 21) ospatuko dugu SAN TOMAS eguna, Euskal Herriko tradizio zaharrenetako feria eguna (1351 urtetik dokumentatua).
Baina, San Tomas ala Santo Tomas esan behar da euskaraz?

www.blogari.net/laudioibarra blogak argituko dizkizu guztiak. Ondo pasa San Tomasak.

AISA atzerritarrentzako harrera ikastaroak dira, Eusko Jaurlaritzak, HABEren eta Immigrazio Zuzendaritzaren bidez, sustatutakoa. Gasteizen Udaleko Euskara Zerbitzuak antolatzen du. AISA ikastaroa egiteko matrikula epea 2011ko urtarrilaren 16ra arte irekita dago. Matrikula Aldabe eta Landatxo gizarte etxeetan egin daiteke.

Okondo herriak gogoz heldu dio bere ondare toponimikoa berreskuratzeari. Batetik, toponimia guztia jaso zuen eta udaberrian aurkeztu zen mapa batean helarazi zitzaien herritar guztiei.Oraingo bigarren fasean, auzo izenen "desanormalizazioari" heldu dio udalak. Horretarako erabaki bat hartu zen udalbatzan (2011/11/24), atzo argitara eman zena ALHAOn (2011/12/14).

“Bai Euskarari” ziurtagirien banaketa ekitaldia Laudioko Udaletxeko Udalbatzetako aretoan izango da, datorren ostegunean abenduaren 15ean, gaueko 20:00etan. Lehentsuago, 18:30ean, ekitaldia indartzeko ekimen berritzaile bat antolatu da: mintzodromoa.