Bestelakoetarako, badakizu, euskaraba@euskaraba.com helbidea eskura izango duzula.

Indarrak berritu eta opor giro ona izan dezazula.
 

Lurralde Historikoko arlo sozio-ekonomikoan euskararen alde lan egin duten entitateak edota pertsonak saritzea du xede; sari-banaketaren ekitaldia irailaren 24an ospatuko da

Hautagaitza ematen dutenen artean Arabako agroturismo etxe batean asteburua pasatzeko aukera zozketatuko da.

Gero eta gehiago dira zerbitzua euskaraz ere eman nahi duten ostalariak. Helburu hori lortzen laguntzeko, on line ikastaro bat sortu berria da, oinarrizko esamolde eta terminologia euskaraz nolakoak diren ikasteko.

Euskal Herriko Bertsozale Elkarteak eta Mintzola Fundazioak “Ahoa bete hots” jardunaldiak antolatu dituzte.

Eta hona hemen udako beroari aurre egiteko egiten dizugun proposamena: Sopelako ur uhintsuetan surf ikastaro bat egitea.

Ikastaroa Euskharan eta Urtxintxak antolatu dute eta hezitzaileentzat zuzenduta dago.

Asteburu honetan Pirinioetako gure gailur garaienetara abiatuko dira "Oxigenoa Euskarari" programan dauden mendizale gazteak. Euskara izango dute elikagai nagusia aldats gora egiteko.

Datorren ekainaren 27an, igandea, ZUIA EUSKARAZ eguna antolatu du Zuiako Udalak, Bidabarri euskara elkartea eta Zuiako gau eskolarekin batera.

Datorren igandean, ekainak 20, Araba euskaraz, Arabako ikastolen jaia ospatuko da Agurainen. Aurten 30. edizioa da eta Lautada ikastolak antolatzen du.

ARIN! kirol aldizkariaren 13.zki koloretsua kalean da, dagoeneko banatua ikastetxeetako gazte jendearen artean.

Ander Lipus antzezleak bufoiaren papera jokatuko du eta Andoni Egaña bertsolariak, berriz, erregearena. Hirugarren kide bat ere izango du emanaldiak: gai-jartzaile gisara arituko den Unai Elizasu, hain zuzen ere.

Uda honetan euskara praktikatu nahi duten mintzalagun edo berbalagunek, Bizkaian (Busturialdean eta Mungialdean) dauden 17 baserritan izango dute horretarako aukera, Topagunearen eta EHNEren eskutik.

Ander Elorzak ‘Estralurtar Lurraldea’ estreinatuko du Ignacio Aldecoa Kultura Etxean, bidaiaren bizipenaz hausnartzen duen euskarazko dokumentala, ekainaren 15ean arratsaldeko 19:30etan.

Zuiako Kuadrillan agenda moduko bat atera dute, "euskararen orria". Hilero ateratzeko asmoa dute, hilabete horretako euskarazko ekintzak biltzeko asmoz.

Gasteizko Udalaren euskararen erabilera sustatzeko proiektuak egiteko diru-laguntzetarako deialdiaren oinarriak argitaratu berri dira Arabako Lurralde Historikoaren Aldizkari Ofizialean.

Gasteiz kantuz ekimenak urte bete luzeko ibilbidea egin du. Euskara lagun, kantuak biltzen gaitu lelopean, euskararen erabilera modu naturalean kaleratzeko xedeaz, kantu zaleon elkargune bilakatu da aipatu ekimena.

Amurrion (Araba) eta Aiara Bailaran ospatuko da Euskal Eskola Publikoaren 19. Jaia “Euskal Eskola Publikoa geroa landuz”  lemapean.

2010eko maiatzaren 28an, Patxi Uribarren euskaltzainaren sarrera-ekitaldia egin zen Aramaion, Ibarra elizateko San Martin elizan.

Laudioko Udalak 2009/10 ikasturtean euskara ikasteko diru-laguntzak argitaratu ditu, udako ikastaro trinkoak eta barnetegiak barne. Aurten ere, egonaldiak familia euskaldunetan 2010eko programa martxan dago.