Hedabideak etorkizunean, biharko komunikabideak eta internet
Xedea:
Euskal Herriko hedabideek Interneten garaian jokatu beharreko rola aztergai izango duten jardunaldiak aurkeztu ditu Lorena López de Lacallek
Artiumeko Auditoriumean egingo dira datorren astean, Euskarazko Komunikazio Taldeak (EKT) antolatuta eta Euskara, Kultura eta Kirol foru Sailak finantzaturik
Arabako Euskara, Kultura eta Kirol foru Diputatu Lorena López de Lacallek ‘Hedabideak etorkizunean, biharko komunikabideak eta Internet’ izeneko jardunaldiak aurkeztu ditu gaur. Euskarazko Komunikazio Taldeak (EKT) antolatu ditu eta Arabako Foru Aldundiak antolatu. Aurkezpenean aritu dira Berria egunkariko zuzendari Martxelo Otamendi, bai eta EKTko kontseilari ordezkari Joanmari Larrarte ere.
Euskara, Kultura eta Kirol Diputatuaren esanetan, “euskarak jokoan du bere etorkizuna hainbat esparrutan, baina batez ere gizarte erabilerari dagokionean, eta, horretarako, garrantzi handikoa da hizkuntza hedabideen alorrean garatu ahal izateko estrategiak taxutzea, horrek gaur egun esan nahi duenarekin, Interneten eraginak ezinbesteko gogoeta dakarrelarik”.
Jardunaldiek aztergai izango dute Euskal Herriko hedabideek jokatu beharreko rola Internet protagonismo handia hartzen ari den testuinguru batean. Artiumeko Audioriumean egingo dira, datorren asteko astelehenetik ostegunera bitartean, eta egitarau osoa euskaraz izango da, Mariano Ferrerrek astelehenean edo Jose María Morenok ostegunean eskainiko duten hitzaldia izan ezik. Ostiralean, berriz, Hamaika Telebistaren egitasmoa aurkeztuko da (ikus atxekita doan artxiboa programa guztiaren berri izateko).
Erakundea: AFA (Arabako Foru Aldundia)
Kuadrilla Arteko Bertso Txapelketa 1.asteburua
"Euskara pil-pil erara" sukaldaritza ikastaroa
Nola lagundu seme-alabei euskara erabil dezaten?
