Izaskun Arrue

Izaskun Arrue Arriben (Nafarroan) jaio zen 1927ko abuztuaren 28an. Gasteizera ezkondu zen. Senarra Iruñekoa zuen baina lana Gasteizen zuenez, 1960an joan ziren Gasteizera. Gasteizen guraso batzuek euren umeek euskaraz ikastea nahi zuten, baina ez zekiten nondik hasi edo nola bilatu horretaz arduratuko zen pertsona. Izaskun Arrue Gasteizko «Cercas Bajas» kalean bizi zen pisu txiki batean. Eta hango gela txiki batean hasi ziren beren ikasketak egiten euskaraz. Horiek izan ziren euskarazko ikasketak egin zituzten lehenengo 14 umeak  1963. urtean. Horrela sortu zuten geroan izango zena Olabide Ikastola.

(Iturria: bidegileak, 1987an jaiotako bilduma honek (Eusko Jarlaritzak sortua) euskararen alde aritutako norbanakoak, etxekoak zein kanpokoak, ditu aztergai).