Andoni Urrestarazu, 'Umandi'

Arabako irakasle eta gramatikalaria Araian jaio zen 1902an. Gerra zibilean Santoñan atxilotu zuten eta hiru urte pasatu zituen kartzelan. 1953an Parisa joan zen erbesteratua eta, han, Eusko Jaurlaritzan aritu zen lanean. Euskaltzain urgazlea izendatu zuten baina uko egin zion. Euzko Gogoa, Euzko Deya, Egi Billa, Alderdi, Herria, Euzko Gaztedi eta Azkatasuna agerkarietan eman zituen argitara lan aipagarrienak. Parisko Euskal Kulturaren Alde erakundeko idazkaria izan zen 1962. urteaz geroztik. Bere lan nagusia euskara irakastea izan zen, eta hartarako metodoak argitaratu zituen. Hil aurretik Euskal Gogo Iztegia izeneko hiztegi ideologiko batean ari zen lanean.

(Iturria: bidegileak, 1987an jaiotako bilduma honek (Eusko Jaurlaritzak sortua) euskararen alde aritutako norbanakoak, etxekoak zein kanpokoak, ditu aztergai).