Euskara, eskaintzarik onena
Merkataritzan euskararen erabilera sustatzea da egitasmoaren helburua
2010-03-11
Bizkaiko Foru Aldundiak sustatutako kanpaina bada ere, kanpainan zehar sortu diren baliabideak eskura daude erabili nahi dituenarentzat, Azkue Fundazioa Webgunearen filosofiari jarraituz, jakintza librea bultzatzea, hain zuzen ere. Beraz, kartelak euskaraz, hiztegiak, itzulpenak eta abar euskaraz izan nahi badituzu, orain da zure aukera.
Alkarbide Bizkaiko Lurralde Historikoko udal eta mankomunitateetako euskara zerbitzuen bilgunea da. Bizkaiko Foru Aldundiak sortu du Alkarbide, Eusko Jaurlaritzarekin eta EUDELekin lankidetzan. Alkarbideren xede nagusia, berriz, euskararen aldeko toki politikak bateratu eta bideratzea da, hala euskara sustatzeko irizpideak finkatzeko, nola udal eta mankomunitateen iritziak eta iradokizunak jaso eta ahalbideratzeko.
Merkataritzako arlo ezberdinetan euskararen erabilera sustatzeko CDa garatu dute egitasmoan parte hartu duten udalerriek. CDak lau atal ditu (hiztegia, kartel ereduak, idazkiak eta argibideak) eta euskara hutsez eta ele bietan egin dira merkatari eta ostalari guztiengana heldu asmoz. Guztira 17 udalerrik parte hartu dute egitasmoan eta 2000 ale baino gehiago argitaratu dituzte. CDan dagoen informazioarekin web gunea ere egin dute.
Kuadrilla Arteko Bertso Txapelketa 1.asteburua
"Euskara pil-pil erara" sukaldaritza ikastaroa
Nola lagundu seme-alabei euskara erabil dezaten?
