Establezimenduetan kanpoko errotulua aldatzeko diru-laguntza
Gasteizko Udalaren ekimena da
2010-02-05
Gasteizko estableziemenduetan kanpoko errotulua aldatu eta euskaraz edo euskaraz eta gaztelaniaz jartzeko diru-laguntza deialdia argitaratu da.
Gasteizko Udalak, Euskara Zerbitzuaren bitartez, merkataritzaren arloko establezimenduen kanpoko errotulazioa aldatu eta establezimenduen izenean euskara sartzeko eman ahalko dituen laguntza ekonomikoak arautzea eta horiek ematea dute xede oinarri hauek.
Ezaugarri hauek dituzten pertsona fisiko nahiz juridikoek eskuratu ahal izango dituzte oinarri hauetan arautzen diren laguntzak: bizilekua Gasteizko udalerrian izan eta merkataritza jardueraren batean aritzea,
establezimenduaren errotulu nagusia 2009ko azaroaren 1etik 2010eko martxoaren 30era bitarteko epean aldatu izana eta jarduera enpresa txikitzat jotakoa izatea.
Errotuluen testuek zuzenak izan beharko dute, ortografia akatsik gabeak. Bestela ez da diru-laguntzarik emango. Testuari buruzko zalantzarik izanez gero, interesdunek Euskara Zerbitzuan kontsulta dezakete.
Informazio gehiago diru-laguntzak atalean.
Kuadrilla Arteko Bertso Txapelketa 1.asteburua
"Euskara pil-pil erara" sukaldaritza ikastaroa
Nola lagundu seme-alabei euskara erabil dezaten?
