Berriak berri

Araba Euskaraz Agurainen

"Gogo biziz" lemapean datorren igandean

2010-06-18

http://www.arabaeuskaraz.net/web/default.php

Datorren igandean, ekainak 20, Araba euskaraz, Arabako ikastolen jaia ospatuko da Agurainen. Aurten 30. edizioa da eta Lautada ikastolak antolatzen du.

Araba Euskaraz´10 goizeko 9:30etan hasiko da. Ibilbideak inguratuko du eta lau gunetan banatuko da. Adin guztietarako jardueraz osatutako egitarauak egun ederra bermatuko dizu.

Araba Euskaraz ’10 ediziorako diseinatutako logotipoak ibilbide bat irudikatzen du. Duela 25 urte, 1985. urtean, egindako edizioa ekartzen du gogora eta ordutik egindako ibilbidea. Beste aldetik gezien bitartez mugimendua transmititu nahi da eta, joku batean, ikus daitezkeen a eta e hizkiak, Araba Euskaraz, Agurain Euskaraz adierazten dute.

“Gogo biziz” lema, sortu berri den Lautada Ikastolak egun bizi duen garaia oso ondo islatzen duelako aukeratu da baita ikastolen proiektua aurrera ateratzeko ilusioa ere. Araba Euskaraz inflexio-puntua izatea nahi da taldea sendotze bidean eta baita indar metaketan ere.

Autobusak antolatu dituzte Gasteiztik eta izena eman dezakezu leku hauetan: Ikastolen Federazioa, Armentia ikastola, AEK eta IKA euskaltegietan.